Fyrra tölublað - YFIRLIT - Næsta tölublað

Börn og menning 1. tbl. 2000 (15. árgangur)
Aðeins 1 tbl. kom út árið 2000

Ritstjóri: Kristín Birgisdóttir

Fulltrúar í ritnefnd: Guðlaug Richter og Guðrún Hannesdóttir

EFNISYFIRLIT

KRISTÍN BIRGISDÓTTIR
„Á góðu róli“ (Pistill ritnefndar, bls. 2)
Kristín fjallar um efni blaðsins sem að þessu sinni byggist að verulegu leyti á fyrirlestrum sem haldnir hafa verið á vegum IBBY og fleiri samtaka á árinu.

SIGURLAUG ÞRASTARDÓTTIR
„Mér finnst ..." (bls. 3)
Sigurlaug Þrastardóttir rithöfundur og blaðamaður knúsar bækur en henni þykir vænt um bækur því þær er hægt að faðma. Hún ræðir um þá margvíslegu ánægju sem bækur veita lesendum og notagildi þeirra.

GUÐRÚN HANNESDÓTTIR
„Um bækur og listina að lifa“ - Viðtal við Vilborgu Dagbjartsdóttur (bls. 4)
Viðtal við Vilborgu Dagbjartsdóttur skáld og kennara sem hlaut viðurkenningu Barna og bóka síðastliðið vor fyrir störf sín og skáldskap í þágu barna. Rætt er um ótta, öryggi, ævintýri og fleira. Vilborg ólst upp í stórum systkinahópi á Seyðisfirði. Fjörðurinn er djúpur og fjöllin há og hún og rifjar meðal annars upp hræðsluna við myrkrið sem var svo svart þegar sólin hvarf í langan tíma á veturna.
(Höfundar, titlar: Magnús Grímsson, Lítill trítill og fuglarnir; H.C. Andersen; Elsku Míó minn; Málfríður Einarsdóttir; William Heinesen; Orson Wells; Svarta skýið; Ulf Palmenfeldt, Græna höndin; Kattholtsbækurnar; Barnagull, hljóðbók.)

GUÐLAUG RICHTER
„Í fótspor frumbyggjanna“ (bls. 10)
Um bók Stefáns Aðalsteinssonar, Landnámsmennirnir okkar: Víkingar nema land sem gefin var út af Máli og menningu og hlaut einnig viðurkenningu Barna og bóka síðastliðið vor. Í greininni kemur meðal annars fram að Stefán hefur áður samið fræðibækur fyrir börn sem Bjallan gaf út fyrr á árum. (Bækur Stefáns sem nefndar eru í greininni: Sauðkindin, landið og þjóðin; Húsdýrin okkar; Fuglarnir okkar; Villtu spendýrin okkar; Blómin okkar; Kappi á krossgötum: af ævintýrum Jóa í borg og sveit.)

IBBY FRÉTTIR
Sagt frá ýmsum atburðum sem tengjast barnabókum (bls. 13-15)

ANDRI SNÆR MAGNASON
„„Únglingabækur“ geta verið stórskaðlegar“ (bls. 16)
Andri Snær Magnason segir umbúðalaust skoðun sína á „Únglingabókum". og veltir ýmsu fyrir sér. Meðal annars því hvers vegna tónlist sem hann hlustaði á í 10. bekk sé enn í fullu gildi meðan unglingabækurnar sem hann las standast ekki tímans tönn.

ANNA HEIÐA PÁLSDÓTTIR
„Hvað er með ásum? Hvað er með álfum?“ (bls. 19)
Anna Heiða Pálsdóttir fjallar um norræna goðafræði í íslenskum barnabókum. Hún ræðir meðal annars um hlutverk goðsagna og þátt þeirra í mótun sjálfsvitundar. Þá skoðar hún nokkrar bækur eftir íslenska og erlenda höfunda sem hafa goðafræði að viðfangsefni.

SÖLVI SVEINSSON
„Einu sinni var ... Af hverju eiga (þurfa) börn að lesa ævintýri“ (bls. 27).
Sölvi skilgreinir hvað þurfi til að barnabók geti talist góður lestur fyrir börn: Í fyrsta lagi þarf hún að vera skemmtileg, sýna börnum veröldina og sjálfa sig í nýju ljósi, höfða til ímyndunarafls og vera á hæfilega ögrandi máli. Í öðru lagi þarf hún að vera gefin út með reisn!

INGA ÓSK ÁSGEIRSDÓTTIR
„Flugfrelsi“ (bls. 29)
Ritdómur um bókina Sagan af bláa hnettinum (Andri Snær Magnason: Sagan af bláa hnettinum, 1999).

ÚLFHILDUR DAGSDÓTTIR
„Myndasögur fyrir alla, börn, konur og kalla“ (bls. 31)
Í greininni tekur Úlfhildur nokkur dæmi og reynir að útskýra muninn á myndasögum fyrir börn annars vegar og fullorðna hins vegar. Þó með þeim fyrirvara að aldrei sé um skýrar markalínur að ræða. (Höfundar, titlar: Warren Ellis: Transmetropolitan; Frank Miller: Daredevil: Gangvar; Alan Moore; Hayao Miyazaki: Navsika, Prinsessa Mononoke; Neil Gaiman: Sandman; Jeff Smith: Bone.)

TÍÐINDI
Fréttir af ýmsum atburðum (bls. 34)

RITHÖFUNDAKYNNING
„Samtíðarskáld“ (bls. 38)
Kynntir eru höfundarnir Helga Möller og Þórarinn Eldjárn.

BARNABÓKAVERÐLAUN
Norrænu barnabókaverðlaunin (bls. 40)
Danski rithöfundurinn Bent Haller hlaut verðlaunin árið 2000 fyrir bókina: Ispigen og andre fortællinger. Félag norrænna skólasfnskennara stendur að verðlaununum. Þau eru einu samnorrænu barnabókaverðlaunin og hafa verið veitt frá 1985.

ÁSGRÍMUR SVERRISSON
„Horft framan í heiminn. Hverskonar kvikmyndir eiga börnin okkar að horfa á?“ (bls. 41)
Ásgrímur Sverrisson, kvikmyndagerðarmaður, varpar fram spurningum um hvort myndmiðillinn hafi sterkari áhrif á ómótaðar sálir en bóklestur, hvort hlutverk sagnamanna sé að vera meðvitaðir uppalendur og hver sé ábyrgð foreldra.