IBBY á Íslandi gefur út tímaritið Börn og menning, eina íslenska fagtímaritið sem sérhæfir sig í umfjöllun um barnabókmenntir og barnamenningu. Ritstjóri blaðsins er Erla Elíasdóttir Völudóttir. 

Tilgangur tímaritsins er að auka veg barnamenningar og barnabókmennta á Íslandi. Því er ætlað að fjalla um það helsta sem er að gerast á sviði barnamenningar og kynna nýjar og eldri bókmenntir. Þar er m.a. að finna yfirgripsmikla  barna- unglingabókarýni, fræðilega umfjöllun um barnabækur, viðtöl við barnabókahöfunda og aðra sem láta sig menningu barna varða. Þá er fjallað um leikrit, kvikmyndir og ýmsar uppákomur fyrir börn. Sem málgagn IBBY á Íslandi er því einnig ætlað að kynna það sem er á döfinni hjá IBBY, bæði innanlands og utan.

Ef þú hefur áhuga á að gerast félagsmaður í IBBY á Íslandi og gerast áskrifandi að blaðinu þá má finna nánari upplýsingar hér.

Ef óskað er eftir eldri eintökum, vinsamlegast hafið samband við ritstjóra, Erlu Elíasdóttur Völudóttur, bornogmenning(hjá)gmail.com.