Bókmenntahátíð í Reykjavík var með bráðskemmtilega barnadagskrá í ár með stuðningi Ibby á Íslandi, Rauða kross Íslands og Norræna hússins.
Alls konar skrímsli urðu til í listasmiðju Áslaugar Jónsdóttur sem ætluð var börnum flóttamanna og hælisleitenda. Þar var einnig lesið upp úr þremur Skrímslabókum Áslaugar, Kalle Guettler og Rakelar Helmsdal. Áslaug las bækurnar á íslensku en Einar Jónsson þýddi þær yfir á arabísku.
Auk þess var Ingibjörg Ásdís Sveinsdóttir með tvær sögustundir þar sem hún lék tvö ævintýri með hjálp steina, skelja og annarra leikmuna.
Maja Lunde, einn af erlendu gestum Bókmenntahátíðar, las upp úr bók sinni Den helt sanne historien om hvordan det aller beste ble til og Telma Rós Sigfúsdóttir las bókina samhliða á íslensku.
Að endingu voru sögur skrifaðar og teiknaðar undir handleiðslu sýningarstjóra Barnabókaflóðsins Kristínar Rögnu Gunnarsdóttur.
You must be logged in to post a comment.